ថ្ងៃព្រហស្បតិ៍ ទី៣០ ខែវិច្ឆិការ ឆ្នាំ២០៥០
គេទំព័រទំនាក់ទំនងសង្គម Website: psrtvonline.com , Phone Number 012 967 555 / 015 967 555
ម្ចាស់កាស៊ីណូថ្មពេជ្រ កំពុងបន្តបើកឲ្យពលរដ្ឋខ្មែរ ចូលលេងល្បែងស៊ីសង យ៉ាងគគ្រឹកគគ្រេង
Tue,10 October 2023 (Time 07:17 PM)
ដោយ ៖ psr (ចំនួនអ្នកអាន: 29នាក់)


ខេត្តកណ្ដាល! ម្ចាស់កាស៊ីណូថ្មពេជ្រ កំពុងបន្តបើកឲ្យពលរដ្ឋខ្មែរ ចូលលេងល្បែងស៊ីសង យ៉ាងគគ្រឹកគគ្រេង ប្រជាពលរដ្ឋ បានឲ្យដឹងថា កាស៊ីណូថ្មពេជ្រ នៅជាប់ច្រកទ្វារអន្តរជាតិក្អមសំណ នៅភូមិក្អមសំណ ឃុំក្អមសំណ ស្រុកលើកដែក ខេត្តកណ្តាល កំពុងបន្តបើកឲ្យពលរដ្ឋខ្មែរ ចូលលេងល្បែងស៊ីសង ច្រើនប្រភេទ យ៉ាងគគ្រឹកគគ្រេងជារៀងរាល់ថ្ងៃ ដូចជាល្បែងបញ្ជល់មាន់ អាប៉ោង បៀ និងយូគី រហូតកើតមានអំពើហិង្សា ជាញឹកញាប់ ព្រោះសមត្ថកិច្ចប្រចាំកាស៊ីណូថ្មពេជ្រ មិនចាត់វិធានការ ទប់ស្កាត់ឡើយ ស្របពេលដែល អាជ្ញាធរខេត្តកណ្តាល បានរក្សាភាពស្ងៀមស្ងាត់។ សូមរំលឹកថា កាលពីថ្ងៃទី៥ ខែតុលា ឆ្នាំ២០២៣ គណៈកម្មការគ្រប់គ្រង ល្បែងពាណិជ្ជកម្មកម្ពុជា បានចេញសេចក្តីណែនាំមួយ ស្តីពីការ រឹតត្បិតការ ចូលលេងល្បែងភ្នាល់ ក្នុងកាស៊ីណូ នៅព្រះរាជាណាចក្រកម្ពុជា ដោយអនុលោម តាមមាត្រា៦៨ នៃច្បាប់ស្តីពីការ គ្រប់គ្រងល្បែងពាណិជ្ជកម្ម ដែលក្នុងនោះ ចំណុចទី៤ បានចែងយ៉ាងច្បាស់ ពីការហាម ប្រជាពលរដ្ឋខ្មែរទូទៅ ដោយរួមទាំង កងកម្លាំងប្រដាប់អាវុធ អ្នករាជការសាធារណៈ និងពលរដ្ឋទទួលអាណត្តិ ដោយការបោះឆ្នោត មិនអោយចូលលេងល្បែងស៊ីសងនោះទេ។ គណៈកម្មការ គ្រប់គ្រងល្បែងពាណិជ្ជកម្ម បានលើកទៀតថា ក្នុងករណី ប្រតិបត្តិករ និងឬកម្មសិទ្ធិករកាស៊ីណូ មិនអនុវត្តតាមសេចក្តីណែនាំនេះ ត្រូវចាត់ទុកថា បានប្រព្រឹត្តល្មើសទៅនឹងច្បាប់ ស្តីពីការគ្រប់គ្រងល្បែងពាណិជ្ជកម្ម ដែលត្រូវប្រឈម នឹងការដាក់ទណ្ឌកម្ម រដ្ឋបាល និងឬពិន័យអន្តរការណ៍ ស្របតាមការកំណត់ដោយច្បាប់ និងលិខិតបទដ្ឋានគតិយុត្តជាធរមាន។ យ៉ាងណពាក៏ដោយ ម្ចាស់ កាស៊ីណូថ្មពេជ្រ មិនបានយកចិត្តទុកដាក់ អនុវត្តន៍តាមទេ ។ ជាក់ស្តែងក្រុមអ្នកលេងល្បែង ក្នុងកាស៊ីណូ ថ្មពេជ្រ បានបង្កហិង្សាដាក់គ្នា កាលពីថ្ងៃទី៨ ខែតុលា ឆ្នាំ២០២៣ ដោយអនាធិបតេយ្តផ្តើមចេញពីជម្លោះ នៃការភ្នាល់ដាក់លុយ យ៉ាងច្រើនសន្ធឹកសន្ធាប់។ តាមការបង្ហើបពីអ្នកធ្លាប់ចូលទៅ ក្នុងកាស៊ីណូថ្មពេជ្រ បានឲ្យដឹងថា ម្ចាស់កាស៊ីណូនេះ មានមន្ត្រីយោធាធំម្នាក់ នៅពីក្រោយខ្នង ទើបអាចបើកល្បែងបញ្ជល់មាន់ បៀ អាប៉ោង យូគី ហើយកៀងគរពលរដ្ឋខ្មែរ ឲ្យចូលលេងល្បែងយ៉ាងពពាក់ពពូន។ ប្រភពនេះបានបង្ហើបឲ្យដឹងថា មានការឃុបឃិតពីមន្ត្រីអាជ្ញាធរ និងសមត្ថកិច្ចពាក់ព័ន្ធក្នុងខេត្តកណ្តាល ផងដែរទើបម្ចាស់កាស៊ីណូថ្មពេជ្រ ហ៊ានបើកឲ្យពលរដ្ឋខ្មែរ ចូលលេងល្បែងស៊ីសង យ៉ាងពេញបន្ទុក ហើយម្ចាស់កាស៊ីណូ ប្រមូលលុយបានយ៉ាងច្រើនសន្ធឹកសន្ធាប់។ ប្រជាពលរដ្ឋអំពាវនាវ ឲ្យថ្នាក់ដឹកនាំក្រសួងពាក់ព័ន្ធ ចាត់វិធានការទប់ស្កាត់ ប្រកបដោយប្រសិទ្ធភាព ដើម្បីកុំឲ្យ ម្ចាស់កាស៊ីណូថ្មពេជ្រ ធ្វើអ្វីៗតាមអំពើចិត្តទៀត៕ Moneaksekar Khmer news

ព័ត៌មានគួរចាប់អារម្មណ៍

 អន្តរជាតិ ស្ទង់​មតិ HappyAtWork៖ អាជីព​១០​ដែល​សប្បាយចិត្ត​ជាងគេ​នៅ​បារាំង​ (សហការី)

ព័ត៌មានគួរចាប់អារម្មណ៍

 អន្តរជាតិ អ៊ីរ៉ង​ថា​ខ្លួន​ជួយ​ផ្គត់ផ្គង់​អាហារ​ជាង​១០០០ តោន​ឲ្យ​កាតា​រាល់ថ្ងៃ តែ​កាតា​រក្សា​ភាព​ស្ងៀមស្ងាត់​ (សហការី)

ព័ត៌មានគួរចាប់អារម្មណ៍

Bar B Q Plaza នឹង​បើក​ភោជនីយដ្ឋាន​ចម្អិនម្ហូប ដោយ​ខ្លួនឯង​ដំបូងបង្អស់​នៅក្នុង​ផ្សារ​ទំនើប Aeon Mall ទីក្រុង​ភ្នំពេញ (សហការី)

ព័ត៌មានគួរចាប់អារម្មណ៍

សម្ដេចបាល់ទាត់ពិភព លោកជនជាតិអាហ្សង់ ទីនបានទាញយកប្រ ជាប្រីយ៏ភាពជូនBarca ដោយគ្រាប់​បាល់​ទី ៥០០ របស់​ម៉េ​ស​ស៊ី​ស៊ុត​ឱ្យ Barca ពន្លិច​ក្រុម​អធិរាជ​ Real Madrid ក្នុងការ​ប្រកួត​ដ៏​រំភើប​ញាប់​ញ័រ​! (សហការី)

ព័ត៌មានគួរចាប់អារម្មណ៍

ឈ្មោះចេង កំពុងល្បី ដឹកជញ្ជូនឈើ នៅខេត្តព្រះវិហារ យ៉ាងពេញបន្ទុក (សហការី)

វីដែអូ

ចំនួនអ្នកទស្សនា

ថ្ងៃនេះ :
44 នាក់
ម្សិលមិញ :
217 នាក់
សប្តាហ៍នេះ :
1302 នាក់
ខែនេះ :
20589 នាក់
3 ខែនេះ :
57804 នាក់
សរុប :
1038438 នាក់