ថ្ងៃអាទិត្យ ទី២៦ ខែមិថុនា ឆ្នាំ២០៥០
គេទំព័រទំនាក់ទំនងសង្គម Website: psrtvonline.com , Phone Number 012 967 555 / 015 967 555
បែកធ្លាយថា លោក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង ជម្រិតទារលុយពីម្ចាស់ឡានដឹកដី ២៥០០ដុល្លារ ទាំងបំពានលើចំណាររបស់តំណាងអយ្យការ !
Tue,10 May 2022 (Time 05:20 PM)
ដោយ ៖ psr (ចំនួនអ្នកអាន: 38នាក់)


ខេត្តស្ទឹងត្រែង៖  ក្នុងនាមជាមន្ត្រីនគរបាលយុត្តិធម៌ លោក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង មានកំហុសដ៏ធ្ងន់ធ្ងន់ធ្ងរ ដែលត្រូវថ្នាក់ដឹកនាំស្ថាប័ន កងរាជអាវុធហត្ថលើផ្ទៃប្រទេស គួរតែបើកការស៊ើបអង្កេត ស្រាវជ្រាវ រកអោយឃើញពីកំហុស ការប្រព្រឹត្តអំពើពុករលួយ ជម្រិតទារប្រាក់ពីអ្នកបើកឡានដឹកដី ដល់២៥០០ដុល្លារ ទាំងបំពាននឹងចំណារតំណាងអយ្យការ។ សូមបញ្ជាក់ថា, បើយោងតាមរបាយការណ៍ខាងអង្គភាព មន្ទីរសាធារណការ និងដឹកជញ្ជូន ខេត្តស្ទឹងត្រែង សូមគោរពជូន លោកព្រះរាជអាជ្ញា នៃអយ្យការអមសាលាដំបូងខេត្តស្ទឹងត្រែង  កាលពីថ្ងៃទី២៤ ខែវិច្ឆិកា ឆ្នាំ២០២១ កន្លងទៅបានបញ្ជាក់ថា,ការឃាត់រថយន្តដឹកជញ្ជូនដែលធ្វើរអោយខូចសណ្តាប់ធ្នាប់សាធារណៈ គឺមន្ទីរសាធារណការ និងដឹកជញ្ជូនខេត្តស្ទឹងត្រែង បានចូលរួមជាមួយនិងកងកំលាំងកងរាជអាវុធហត្ថខេត្តចុះទៅដល់ ទីតាំងចំណុចផ្លូវជាតិលេខ ៧៨ ស្ថិតក្នុងភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង កាលពីថ្ងៃទី១៨ ខែវិច្ឆិកា ឆ្នាំ២០២១ និងបានឃាត់រថយន្តដឹកទំនិញចំនួន ០៨គ្រឿង ប្រគល់ឲ្យកងកំលាំង កងរាជអាវុធហត្ថ រក្សាទុកនៅទីស្នាក់ការលេខ៧៤៤ នៅផ្លូវជាតិលេខ៧៨។ មកដល់សព្វថ្ងៃនេះខាងមន្ទីរសាធារណការ និងដឹកជញ្ជូនខេត្តស្ទឹងត្រែងបានពិនិត្យ ឃើញថារថយន្តទាំង ០៨គ្រឿងនេះមានកំហុសដូចខាងក្រោម៖ -ធ្វើការលុបគន្លងបង្ហូរទឹកសម្រួលសុវត្ថិភាពផ្លូវថ្នល់ ក្នុងនោះក៏បញ្ជាក់ពីសមាសភាពចូលរួម ដល់លោកព្រះរាជអាជ្ញា នៃអយ្យការអមសាលាដំបូងខេត្តស្ទឹងត្រែង បានដឹងថា,  1. លោក គង់ សុធា អនុប្រធានមន្ទីរសាធារណការ និងដឹកជញ្ជូនខេត្តស្ទឹងត្រែង 2. លោក វរសេនីយ៍ឯក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង  3. លោក អនុសេនីយ៍ទោ សៀង សុគន្ធ នាយការិយាល័យប្រឆាំងភេវកម្ម 4. លោក អនុសេនីយ៍ត្រី យន់ សំណាង 5. លោក យឿង សុក្ខីតូ អនុប្រធានការិយាល័យបច្ចេកទេស។  អង្គភាព មន្ទីរសាធារណការនិងដឹកជញ្ជូន បានបន្តថា, ក្រោយពីបានធ្វើការពិនិត្យលើបច្ចេកទេស និងធ្វើការណែនាំម្ចាស់រថយន្តខាងលើ បានបង់ពិន័យរួចរាល់ហើយតាម រយៈតំណត់ហេតុចុះថ្ងៃទី២៣ ខែវិច្ឆិកា ឆ្នាំ២០២១។ ដូចនេះរថយន្តទាំងអស់ខាងលើពុំមានកំហុសអ្វីផ្សេងទៀតឡើយ។ ក្នុងនាមមន្ទីរសាធារណការ និងដឹកជញ្ជូនខេត្ត សូមគោរពស្នើសុំ លោកព្រះរាជអាជ្ញា មេត្តាពិនិត្យ និងសម្រេចប្រគល់ រថយន្តទាំង ០៨គ្រឿង ខាងលើឲ្យទៅម្ចាស់ដើមវិញ ដើម្បីគាត់យកទៅប្រកបអាជីវកម្មបន្តទៀត។ សូមជម្រាបជូនថា, យោងតាមការស្នើសុំដែលមានបញ្ជាក់ពីហេតុផលច្បាស់លាស់ លោក ជា សុភ័ក្រ្ក ព្រះរាជអាជ្ញារង នៃអយ្យការអមសាលាដំបូងខេត្តស្ទឹងត្រែង នៅថ្ងៃទី២៤ ខែវិច្ឆិកា ឆ្នាំ២០២១ ក៏ចំណារថា, បានឃើញ និងបញ្ជូនមកលោកមេបញ្ជាការ កងរាជអាវុធហត្ថខេត្តស្ទឹងត្រែង ប្រគល់រថយន្តទាំង០៨គ្រឿង ជូនម្ចាស់ដើមវិញ។  ទីបំផុត ! លោក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង កូសរូសជម្រិតទារប្រាក់ រហូតដល់ ២៥០០ដុល្លារ ទើបអនុញ្ញាតអោយយកឡានចេញ ។ តាមពិតម្ចាស់ឡានទាំង ០៨គ្រឿង ពួកគាត់បានបំពេញកាតព្វកិច្ច ចូលខ្លួនបង់ពិន័យអន្តការណ៍រួចរាល់ហើយ ក្នុងឡាន១គ្រឿង ១៦ ០០០០០ រៀល តែលោក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង ឆ្លៀតជម្រិតទារលុយ ២៥០០ដុល្លារ បើមិនរកលុយមកបំពេញតម្រូវការគាត់ គឺគាត់មិនអោយឡានចេញ ទើបម្ចាស់ឡានប្រមូលលុយគ្នា សរុបបាន ២៥០០ដុល្លារ ទៅអោយ លោក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង ទើបគាត់អោយចេញ។  សូមរម្លឹកថា, មានរឿងបែកធ្លាយច្រើនទៀត ដែលប្រព្រឹត្តដោយ លោក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង ដូចជាបញ្ហាដើរដាក់ខែតាមល្បែងស៊ីសងផងដែរ ។ ក្នុងនោះមានរឿងបង្កដ៏ឈឺចុកចាប់ដល់ប្រជាពលរដ្ឋ ដែលគាត់ជាជនរងគ្រោះត្រៀមប្រមូលឯកសារ ភស្តុតាង ដើម្បីគោរពប្តឹងទៅ សម្តេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា។  ពាក់ព័ន្ធករណីខាងលើ លោក ដួង វិចិត្រ មេបញ្ជាការរងកងរាជអាវុធហត្ថខេត្តស្ទឹងត្រែង នៅរសៀលថ្ងៃទី១០ ខែឧសភា ឆ្ តាមទូរស័ព្ទថា, ខ្ញុំដូចជាមិនដឹងរឿងហ្នឹងទេ ហើយខ្ញុំក៏មិនបានយកលុយអីដែរ ។ លោកបន្តថា, សូមសួរទៅមេខ្ញុំទៅ ! ហើយលោកដឹងព័ត៌មាននេះមកពីណា ! រួចក៏បិទទូរស័ព្ទ ៕ប្រភព nks news

ព័ត៌មានគួរចាប់អារម្មណ៍

 អន្តរជាតិ ស្ទង់​មតិ HappyAtWork៖ អាជីព​១០​ដែល​សប្បាយចិត្ត​ជាងគេ​នៅ​បារាំង​ (សហការី)

ព័ត៌មានគួរចាប់អារម្មណ៍

 អន្តរជាតិ អ៊ីរ៉ង​ថា​ខ្លួន​ជួយ​ផ្គត់ផ្គង់​អាហារ​ជាង​១០០០ តោន​ឲ្យ​កាតា​រាល់ថ្ងៃ តែ​កាតា​រក្សា​ភាព​ស្ងៀមស្ងាត់​ (សហការី)

ព័ត៌មានគួរចាប់អារម្មណ៍

Bar B Q Plaza នឹង​បើក​ភោជនីយដ្ឋាន​ចម្អិនម្ហូប ដោយ​ខ្លួនឯង​ដំបូងបង្អស់​នៅក្នុង​ផ្សារ​ទំនើប Aeon Mall ទីក្រុង​ភ្នំពេញ (សហការី)

ព័ត៌មានគួរចាប់អារម្មណ៍

សម្ដេចបាល់ទាត់ពិភព លោកជនជាតិអាហ្សង់ ទីនបានទាញយកប្រ ជាប្រីយ៏ភាពជូនBarca ដោយគ្រាប់​បាល់​ទី ៥០០ របស់​ម៉េ​ស​ស៊ី​ស៊ុត​ឱ្យ Barca ពន្លិច​ក្រុម​អធិរាជ​ Real Madrid ក្នុងការ​ប្រកួត​ដ៏​រំភើប​ញាប់​ញ័រ​! (សហការី)

ព័ត៌មានគួរចាប់អារម្មណ៍

ឈ្មោះចេង កំពុងល្បី ដឹកជញ្ជូនឈើ នៅខេត្តព្រះវិហារ យ៉ាងពេញបន្ទុក (សហការី)

វីដែអូ

ចំនួនអ្នកទស្សនា

ថ្ងៃនេះ :
2227 នាក់
ម្សិលមិញ :
960 នាក់
សប្តាហ៍នេះ :
7674 នាក់
ខែនេះ :
24334 នាក់
3 ខែនេះ :
78084 នាក់
សរុប :
631388 នាក់