ថ្ងៃច័ន្ទ ទី២០ ខែមករា ឆ្នាំ២០៥០
គេទំព័រទំនាក់ទំនងសង្គម Website: psrtvonline.com , Phone Number 012 967 555 / 015 967 555
ពិតជាអស្ចារ្យណាស់ក្រសួងសារធារណការ និងដឹកជញ្ជូនបានជូនដំណឹងថា ផ្លាកលេខរថយន្តពិសេស ដែលអាចដាក់ជាឈ្មោះ នឹងបើកឲ្យដំណើរការជាផ្លូវការ នៅថ្ងៃទី០៧ ខែមករា ឆ្នាំ២០២០ខាងមុខនេះហើយ
Sat,04 January 2020 (Time 07:03 PM)
ដោយ ៖ psr (ចំនួនអ្នកអាន: 46នាក់)


(ភ្នំពេញ)៖ ក្រសួងសារធារណការ និងដឹកជញ្ជូនបានជូនដំណឹងថា លេខចុះបញ្ជីពិសេសផ្ទាល់ខ្លួនសម្រាប់រថយន្ត ឬផ្លាកលេខរថយន្ត ដែលអាចដាក់ជាឈ្មោះ នឹងបើកឲ្យដំណើរការជាផ្លូវការ នៅថ្ងៃទី០៧ ខែមករា ឆ្នាំ២០២០ខាងមុខនេះ។ តាមរយៈ Facebook ផ្លូវការរបស់ខ្លួន ក្រសួងសាធារណការ បានបញ្ជាក់យ៉ាងដូច្នេះថា៖ «អបអរសាទរ! លេខចុះបញ្ជីពិសេសផ្ទាល់ខ្លួនសម្រាប់រថយន្ត នឹងដាក់ឲ្យដំណើរការជាផ្លូវការ នាថ្ងៃទី០៧ មករា ឆ្នាំ២០២០ នេះហើយ! ជួបគ្នាឆាប់ៗនេះ នៅផ្សារទំនើប អ៊ីអន ២ សែនសុខ»។ សូមរំលឹកថា ប្រមុខនៃរាជរដ្ឋាភិបាលកម្ពុជាសម្តេចតេជោ ហ៊ុន សែន កាលពីថ្ងៃទី០៣ ខែមិថុនា ឆ្នាំ២០១៩ បានសម្រេចចេញអនុក្រឹត្យថ្មីមួយ ស្តីពីការចុះបញ្ជីផ្តល់បណ្ណសម្គាល់យានជំនិះ និងបំពាក់ផ្លាកលេខសម្គាល់យានជំនិះ។ នៅក្នុងអនុក្រឹត្យថ្មីនេះ ក៏បានបញ្ជាក់ពីការអនុញ្ញាតិឲ្យម្ចាស់យានជំនិះ អាចធ្វើផ្លាកលេខពិសេស ទៅតាមការចង់បានរបស់ខ្លួនផងដែរ។ ផ្លាកលេខពិសេសនេះ គឺម្ចាស់យានយន្តអាចកំណត់អក្សរ ឬលេខទៅតាមអ្វីដែលខ្លួនចង់បាន ហើយក៏អាចយកផ្លាកលេខនេះ ទុកប្រើប្រាស់ពេញមួយជីវិតផងដែរ។ នេះបើយោងតាមការបញ្ជាក់លោក ស៊ុន ចាន់ថុល រដ្ឋមន្រ្តីសាធារណការ និងដឹកជញ្ជូន។ នៅក្នុងអនុក្រឹត្យនេះ បានបញ្ជាក់ថា ផ្លាកលេខយានយន្តពិសេសនេះ ត្រូវសរសេរអក្សរខ្មែរបញ្ជាក់ថា «កម្ពុជា» ពីខាងលើ ហើយផ្នែកកណ្តាលជាលេខចុះបញ្ជីមានលេខ ឬ/និងអក្សរឡាតាំង មិនលើសពី៨ខ្ទង់ និងផ្នែកខាងក្រោមសរសេរអក្សរឡាតាំង «CAMBODIA» នៅពីក្រោមបន្ទាប់ផ្តេក។ អគ្គនាយកដ្ឋានដឹកជញ្ជូនផ្លូវគោក នៃក្រសួងសាធារណការ និងដឹកជញ្ជូនមានភារកិច្ចចុះបញ្ជី និងផ្ទេរកម្មសិទ្ធិ ផ្តល់បណ្ឌសម្គាល់យានជំនិះ និងផ្លាកលេខយានជំនិះស្ថិតនៅក្នុងចង្កោមទី៣។ លេខចុះបញ្ជីពិសេស និងលេខចុះបញ្ជីពិសេសផ្ទាល់ខ្លួន ត្រូវបង់កម្រៃសេវាសាធារណៈ តាមការកំណត់ក្នុងប្រកាសអន្តរក្រសួង របស់រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងរដ្ឋមន្ត្រីក្រសួងសាធារណការ និងដឹកជញ្ជូន ឬតាមលទ្ធផលនៃការលក់ ឬដេញថ្លៃជាសាធារណៈ។ នីតិវិធីនៃការប្រមូលចំណូលពីលេខចុះបញ្ជីពិសេស លេខចុះបញ្ជីពិសេសផ្ទាល់ខ្លួន និងការគ្រប់គ្រងចំណូល ត្រូវកំណត់ដោយប្រកាសអន្តរក្រសួងរវាងរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងរដ្ឋមន្ត្រីក្រសួងសាធារណការ និងដឹកជញ្ជូន។ លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន ធ្លាប់បានប្រាប់ ឲ្យដឹងថា ក្រសួងសាធារណការ និងដឹកជញ្ជូន ខំប្រឹងសម្រួលបច្ចេកទេស និងនីតិវិធីផ្សេងៗក្នុងការធ្វើផ្លាកលេខពិសេសនេះ។ តាមអ្នកនាំពាក្យរូបនេះ ប្រជាពលរដ្ឋអាចនឹងបញ្ជាធ្វើផ្លាកលេខពិសេស បាននៅក្នុងពេលឆាប់ៗខាងមុខនេះ។ សូមបញ្ជាក់ថា លោកទេសរដ្ឋមន្ត្រី ស៊ុន ចាន់ថុល បានផ្តួចគំនិតក្នុងការធ្វើផ្លាកលេខពិសេសនេះឡើង ក្នុងគោលបំណងកៀរគរថវិកាជូនជាតិ ពីអ្នកប្រើប្រាស់យានយន្ត ដែលចង់បានផ្លាកលេខពិសេស៕

ព័ត៌មានគួរចាប់អារម្មណ៍

 អន្តរជាតិ ស្ទង់​មតិ HappyAtWork៖ អាជីព​១០​ដែល​សប្បាយចិត្ត​ជាងគេ​នៅ​បារាំង​ (សហការី)

ព័ត៌មានគួរចាប់អារម្មណ៍

 អន្តរជាតិ អ៊ីរ៉ង​ថា​ខ្លួន​ជួយ​ផ្គត់ផ្គង់​អាហារ​ជាង​១០០០ តោន​ឲ្យ​កាតា​រាល់ថ្ងៃ តែ​កាតា​រក្សា​ភាព​ស្ងៀមស្ងាត់​ (សហការី)

ព័ត៌មានគួរចាប់អារម្មណ៍

Bar B Q Plaza នឹង​បើក​ភោជនីយដ្ឋាន​ចម្អិនម្ហូប ដោយ​ខ្លួនឯង​ដំបូងបង្អស់​នៅក្នុង​ផ្សារ​ទំនើប Aeon Mall ទីក្រុង​ភ្នំពេញ (សហការី)

ព័ត៌មានគួរចាប់អារម្មណ៍

សម្ដេចបាល់ទាត់ពិភព លោកជនជាតិអាហ្សង់ ទីនបានទាញយកប្រ ជាប្រីយ៏ភាពជូនBarca ដោយគ្រាប់​បាល់​ទី ៥០០ របស់​ម៉េ​ស​ស៊ី​ស៊ុត​ឱ្យ Barca ពន្លិច​ក្រុម​អធិរាជ​ Real Madrid ក្នុងការ​ប្រកួត​ដ៏​រំភើប​ញាប់​ញ័រ​! (សហការី)

ព័ត៌មានគួរចាប់អារម្មណ៍

ឈ្មោះចេង កំពុងល្បី ដឹកជញ្ជូនឈើ នៅខេត្តព្រះវិហារ យ៉ាងពេញបន្ទុក (សហការី)

វីដែអូ

ចំនួនអ្នកទស្សនា

ថ្ងៃនេះ :
260 នាក់
ម្សិលមិញ :
241 នាក់
សប្តាហ៍នេះ :
2387 នាក់
ខែនេះ :
9568 នាក់
3 ខែនេះ :
36168 នាក់
សរុប :
114054 នាក់