បែកធ្លាយរឿងលោក ឈឿងគឹមសុង មេក្រុមបង្ការបង្ក្រាបកាងបទល្មើសមានបៀរ អាប៉ោង ទឹកភ្លៀង ឆ្នោតឬចាក់កន្ទុយលេខជាពិសេសល្បែង តាមអនឡាញយ៉ាងពេញបន្ទុកនៅខេត្តបាត់ដំបង
ខេត្តបាត់ដំបង៖សេចក្តីរាយការណ៍បានឲ្យដឹងថា៖លោក ឈឿងគឹមសុង មេក្រុមបង្ការបង្ក្រាបកំពុងតែកាងបទល្មើសយ៉ាងពេញពេញបន្ទុក នៅខេត្តបាត់ដំបងមានដូចជា៖បៀរ អាប៉ោង ទឹកភ្លៀង ជាពិសេសល្បែងតាមអនឡាញ ចាក់បាល់ ចាក់ ឆ្នោតឬចាក់កន្ទុយលេខបានកើនឡើងយ៉ាងព្រោងព្រាតខុសពីប្រក្រតីដោយ ប្រមូលុយខែមិនបង្ក្រាប(យកលុយទិញស័ក្តិ,ទិញឡានថ្មី)។
ប្រភពពីប្រជាពលរដ្ឋនិងមន្ត្រីរាជការនិងមន្ត្រីនគរបាលស្រុក នគរបាលខេត្តបានបង្ហើបឲ្យដឹងថា៖ ល្បែងស៊ីសងនៅក្នុងក្រុងបាត់ដំបងរីកដូចផ្សិតមានបៀរ អាប៉ោង ទឹកភ្លៀង ជាពិសេសល្បែងតាមអនឡាញចាក់បាល់ចាក់បៀរ ចាក់ឆ្នោតឬចាក់កន្ទុយលេខ បានកើនឡើងគួរកត់សម្គាល់ក្រុមបង្ការបង្ក្រាបដែលមានលោក ឈឿង គឹមសុង ជាប្រធានមិនបង្ក្រាបបែរជាយកលុយខែគ្រប់កន្លែងទៅវិញ។ជាពិសេសផ្ទះលក់ឆ្នោតពីមុននៅម្តុំផ្ទះសំណាក់ហូលីដេ(holiday)នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបងពីមុនមានលក់តែ១កន្លែងទេមានម្ចាស់ឈ្មោះធី (មានខ្នងបង្អែកស្នងការរង)បច្ចុប្បន្នម្តុំផ្ទះសំណាក់ហូលីដេ(holiday) កន្លែងលក់ឆ្នោតឡើង៦កន្លែង ហើយអ្នកលក់ទាំងនោះបានឆ្លើយថា៖បង់ឲ្យលោក ឈឿង គឹមសុង អស់ហើយទើបលក់បាន។
ចំណែកកន្លែងលក់ចាក់បាល់តាមអនឡាញក៏គេថាបង់ឲ្យក្រុមបង្ការបង្ក្រាបក្នុង១ខែ១០០ដុល្លាដែរ។មិនតែប៉ុណ្ណោះបង្កើតកម្លាំងយកពួកប្រើប្រាស់ថ្នាំញៀនធ្វើកម្លាំង់(ក.ស)ដោយខ្លួនឯងហើយក៏មានលក់ថ្នាំញៀនផងដែរ។ដែលបច្ចុប្បន្នកន្លែងលកើតថ្នាំញៀនមួយចំនួនប្រជាពលរដ្ឋបានរាយការណ៍ទៅសមត្ថកិច្ចបែជាមិនបង្ក្រាបយកលេសរវល់ឬក៏ឆ្លើយថាគេមានកូន(អាណិតមិនចាប់ជាដើម)ថ្នាំញៀននៅវត្តកណ្តឹងនិងផ្លូវវាងក្រុងទល់មុខស៊ុប៩៦លក់សឹងរាល់យប់។ បង្កើតក្រុមចល័តយប់ប៉ុន្តែចល័តទៅផ្លូវអូរមុន្នីឬវត្តកំណប់ស្រុកសង្កែចាប់ អ្នកជិះម៉ូតូអត់មួកសុវត្ថភាពពេលយប់ម្នាក់១៥ម៉ឺន ទៅ២០ម៉ឺនរៀលហើយក្រុមក្មេងដើរលេងយប់មួយ ចំនួនចាប់គោះយកលុយមិនចេញចាប់ដាក់ បញ្ចូលក្រុមក្មេងទំនើង(ចំណុចនេះក្មេងល្អវាអាចខូចចិត្ត ដោយខូចឈ្មោះក្មេងទំនើងអាចឈប់រៀនក៏មាន)។
ប្រភពពីនគរបាលក្រុងបាត់ដំបងឲ្យដឹងថា៖ ក្នុងកិច្ចប្រតិបត្តិការណ៍នគរបាលក្រុងធ្វើការ បង្ក្រាបជាក់ស្តែងករណីឆក់ ទូរសព្ទ័នៅចំនុចសាលារៀនអូតាគាំ ហើយជនល្មើសលិ សុខា សារភាពធ្លាយចេញរឿងឆក់ខ្សែករនៅចំនុច២៣តុលានិងឆក់ឡេបថបនៅចំនុច២៣តុលាដូចគ្នាជនល្មើស លិ សុខា រូបនេះធ្លាប់ជាប់ពន្ធនាគាម្តងរួចមកហើយបានសារភាពក្រៅកំណត់ហេតុថាបង់លុយអោយទៅក្រុមបង្ក្រាបក្នុងមួយលើកៗ«២០០ដុល្លា »ដើម្បីជាថ្នូរនិងការលាក់មិនចាប់។ ពាក់ព័ន្ធករណីនេះលោក ឈឿង គឹមសុង ប្រធានក្រុមបង្ការបង្ក្រាបតែងតែ និយាយប្រាប់អ្នកដ៏ទៃ និងអ្នកសារព័ត៌មានថាមិនដែរបានយកលុយពីពួកបើកល្បែងទាំងនោះទេ។តែទោះយ៉ាងណាក៏ដោយភពពីសមត្ថកិច្ចតាមស្រុកនិងមន្ត្រីការិយាល័យមួយចំនួនថា៖តាំងពីលោក ស ថេត ស្នងការផ្តល់អំណាចដ៏លើសលប់ដល់ឈ្មោះ ឈឿង គឹមសុង ប្រធានក្រុមបង្ការបង្ក្រាបមកបានធ្វើឲ្យឈ្មោះ ឈឿង គឹមសុង ធ្វើអ្វីៗស្រេចចិត្តដូច្នេះពួកគាត់បានអស់ទឹកចិត្តធ្វើការងារ។
សូមបញ្ជាក់ថា៖លោក ឈឿងគឹមសុង មានសិទ្ធសម្រេចជាងប្រធានការិយាល័យនិងអធិការចង់ចាប់ចងឬអនុវត្តការងារមិនបាច់ ឆ្លងកាត់អស់លោកទាំងនោះទេធ្វើហើយចាំរាយការណ៍ ជូនលោកស្នងការជាក្រោយ។គេសង្កេតឃើញថាលោក ឈឿងគឹមសុង ពិតជាមានអំណាចធ្វើអ្វីស្រេចចិត្តទោះសម្តីស្នងការរងគេមិនស្តាប់ផង។ ក្រុមនគរបាលប៉ុស្តិ៍អធិការគ្រប់ស្រុកខ្លាចអំណាចលោកឈឿង គឹមសុង ប្រធានក្រុមបង្ការបង្ក្រាបនិងខ្លាចលោកស ថេត ស្នងការ កាន់ជើងឈឿងគឹមសុង ទើបមិនហ៊ានរាយការណ៍ជូនដោយសារទង្វើរបស់លោក ឈឿង គឹមសុងនេះបានធ្វើឲ្យសន្លឹកឆ្នោតគណបក្សប្រជាជនធ្លាក់ចុះគួរឲ្យអាម៉ាសដូច្នេះ។ប្រជាពលរដ្ឋសំណូមពរដល់លោកស ថេតស្នងការខេត្តបាត់ដំបងមេត្តាប្តូរលោក ឈឿងគឹមសុង ចេញពីប្រធានក្រុមបង្ការបង្ក្រាបចេញដើម្បីទទួលសន្លឹកឆ្នោតឆ្នាំ២០១៨មកវិញ។
ជុំវិញព័ត៌មានខាងលើនេះដែរគេហទំព័រយើង មិនអាចសុំការបំភ្លឺពីលោក ឈឿង គឹមសុង បានទេដោយមិនមានលេខទូរសព្ទ័៕
![]()
![]()
![]()